اگر آپ نے خود بھی پوری کوشش کی ہے تو اپنے دوستوں، اساتذہ یا دیگر اہم لوگوں سے بات کرنا بھی آپ کی ذہنی بے چینی کو دور کرنے میں خاطر خواہ مدد نہیں کر رہا ہے۔ پھر اس کا مطلب یہ ہے کہ آپ کو اس طویل عرصے کے پیچیدہ مسئلے سے چھٹکارا پانے کے لیے کسی معالج سے پیشہ ورانہ رہنمائی اور کوچنگ کی ضرورت ہے

اگر آپ ذھنی دباؤ، گہرے دکھ، خوف، ڈپریشن، غصہ خاندانی جھگڑے اور لڑائیاں اور اسی طرح کے نفسیاتی مسائل کا شکار ہیں اور اس سے نکلنا چاہتے ہیں تو آپ گھر بیٹھے آن لائن ہالینڈ میں پریکٹس کرنے والی ایک تجربہ کار خاتون ماہر نفسیات سے مناسب فیس کے ساتھ تھراپی لے سکتے ہیں۔

’’سائیکوتھراپی‘‘ ایک طبی اصطلاح ہے، جس میں مختلف ذہنی بیماریوں کا علاج زبانی اور نفسیاتی ٹیکنالوجیز کے ذریعے کیا جاتا ہے۔ اس عمل کے دوران ایک تجربہ کار اور تربیت یافتہ ماہر نفسیات (سائیکوتھراپسٹ )کسی خاص ذہنی بیماری یا پھر مریض کی زندگی میں موجود تناؤ اور ڈپریشن کو دور کرنے میں مریض کی مدد کرتا ہے۔ تھراپی کے دوران استعمال کی جانے والی ٹیکنالوجیز اورطریقہ کا ر کا انتخاب معالج کے تجربے اور نقطہ نظر پر منحصر ہوتا ہے۔ تاہم، سائیکو تھراپی کی تمام تر اقسام میں معالج اور مریض کےآپس میں تعاون اوربات چیت کے ذریعے ہی دل و دماغ میں پیدا ہونے والے خیالات اور کیفیات سے نمٹا جاتا ہے ۔

سائیکو تھراپی کے ذریعے مریض کا ذہنی عارضہ جاننے میں مدد ملتی ہے۔اس تھراپی کے دوران معالج مریض کے ان جذبات، روّیوں اور خیالات کو سمجھنے کی کوشش کرتا ہے، جو ذہنی بیماری کی وجہ بنتے ہیں۔ ان سے آگاہی کے بعد ان کے سدباب کے لیے طریقہ کار تلاش کیا جاتا ہے ۔اس دوران زندگی میں شامل ان پریشانیوں اور واقعات کی شناخت کی جاتی ہے جو مریض کے لیے ذہنی بیماری کا باعث بنے مثلاً خاندان میں کسی کی موت کا واقعہ، ملازمت سے فارغ کیا جانا، طلاق وغیرہ۔ تشخیص کے بعد ماہر نفسیات اپنی اہلیت، مہارت و تجربہ کی بنیاد پر مریض کے لیے ایسا طریقہ علاج تجویز کرتا ہے جو مسائل کو حل اور مریض کی زندگی کو بہتر بنانے میں معاون ثابت ہو۔ مریض کو خوشی اور سکون کے حصول کے لیے اس طریقہ علاج پر آمادہ کیا جاتا ہے ۔ مریض کو بیماری سے نمٹنےاور مسائل کا مقابلہ کرنے سے متعلق تکنیکس سکھائی جاتی ہیں ۔

Individual Coaching/Therapy